"إن الجيش المصري قادر على اجتياح الجزائر في ظرف ثلاثة أيام فقط !!" - السيسي
ليش عم بيفرد عضلاتو ع الجزائر ... بعمرنا ما رح نفهم ....
القوات المسلّحة الأردنية ... بيكفي انو اسمهم؛ الجيش العربي ! .. بيحكيلك من أمهر "الجيوش" فالمنطقة وذا حرفية عالية ومدرّب تدريب جيّد جدّاً .. يعني متعوب عليهن الشباب .. كل شبر بندر ..
الجيش العربي السوري (النظامي) -- خود عندك ..
" .. لدى الجيش ترسانة من الصواريخ القادرة على الوصول إلى معظم المناطق المأهولة من إسرائيل المعادية لسورية منذ أمد طويل في المنطقة." ... أمد طويل طلع قصدهم من أوائل التسعينات ...
أما بخصوص حزب الله ...فالجدير بالذكر: "أن حزب الله يمتلك عدد غير معلوم من الطائرات (من دون طيار) إيرانية الصنع، من نوع (مهاجر-4)، والتي أطلق عليها الحزب اسم (المرصاد-1). وتحمل هذه الطائرة ثلاث كاميرات وراداراً رقمياً ونظام إرسال إلكترونياً، وهي قادرة على التحليق على ارتفاع أكثر من ستة آلاف قدم، وتصل سرعتها القصوى إلى حوالي 120 كيلومتراً في الساعة، وتبلغ قوة محركها نحو 10 أحصنة .."
شيء ممتع الصراحة ... بتحس حالك مسنود و"هاي-تك" وانتا بتقرأ الوصف.
قوّات الأمن الوطني الفلسطيني ..
بدناش نحكي ولا كلمة ... الله يكون بعونهم ... مربّطين مش عارفين يلاقوها من وين ولّا من وين ...
... المهم ...
زبدة الحديث ::
الله يحفظهم هالشباب ويخليهم ذخر لبلادهم ولأهاليهم ويبعد عنهم كل شر ..
بس حبيت أدعيلهم.
قولو آمين !
والله من وراء القصد.
-- هلا محمّد أبو شلباية
ليست هناك تعليقات:
إرسال تعليق